Nilinlang mo ako. Tanaw ang bawat liwanag na nagniningning sa kadiliman. Habang ako ay nakadungaw sa dulo ng kawalan. Dama ang malakas na pagbayo ng malamig na simoy ng hangin sa aking buong katawan. At tila ba ako ay nagpapakasasa pa rin sa aking kaligayahan. Na ang bawat pagkilos ko ay katumbas ng bawat pagkakamali ko. At kung saan man ako magtungo, alam kong ako'y mabilis na malilimot. Sinamantala mo ang pagkakataong ako ay mababa. Sinamantala mo ang mga sandaling ako ay mahina sa likod ng mga balakit na kumakaway sa aking paglakad-- nambubuska sa bawat pagbukas ng aking bibig na ang ibinubuga ay pawang kabalbalan. Sa aking pakiramdam, ako'y aping api.